Scientia e technologia del dynastia Song

Le dynastia Song (chinese: 宋朝; 960-1279 EC) inventava alicun avantiamentos technologic in le historia chinese, multes del quales proveniva de talentose statistas recrutate per le governamento per examines imperial.

Le ingeniositate del ingenieria mechanic avantiate habeva un longe tradition in China. Le ingeniero Song Su admitteva que ille e su contemporaneos se appoiava super le successos del antiquos como Zhang Heng (78-139), astronomo, inventor e maestro del ingranage mechanic. Le application del typographia con typos movibile avantiava le jam extensive uso del typographia de blocos de ligno pro educar e distraher studentes confucian e le massas. Le application de nove armas que usava pulvere permitteva al dynastia Song repeller su militante inimicos – le Liao, le Xia Occidental e le Jin – con armas como cannones, usque a su collapsamento per le fortias mongol de Kublai Khan al fin del seculo 13.

Avantiamentos notabile in ingenieria civil, nautica e metallurgia esseva facite in China del dynastia Song, como etiam le introduction del molino de vento in China durante le seculo 13. Iste avantiamentos, conjunctemente con le introduction del moneta de papiro imprimite, adjutava a revolutionar e sustener le economia del dynastia Song.